Sunda (1)

Émut keneh basa ngawitan lebet ka kampus UPI (IKIP) tea…
Teu kasawang ti anggangna, teu kapikir ti tadina
Maksad téh teu nyangki bakal ditampi di UPI salaku mahasiswa
FPBS (Fakultas Pendidikan Bahasa dan Sastra)
Jurusan Pendidikan Bahasa Daerah alias Sunda …
Komo dugikeun ka janten Guru mah teu kapikir pisan
Nu matak nu mawi geuning ari kahirupan mah saha nu terang.
Tapi sanaos kitu sim kuring muji ka syukur ka Illahi Rabbi
Geuning sadaya anu karandapan ku sim kuring téh aya hikmahna

Salah sawiosna nya ieu téa geuning
Kawitna mah sim kuring téh hoyong lebet mah ka bahasa Inggris.
Sanaos lebet ka basa Sunda oge ari diajar mah tiasa iraha waé
Sareng naon waé, maksad téh tiasalah…
Urangna nyalira anu kedah parigel teras soson-soson
Dina milarian élmu pangaweruh, aya paribasa
“Nyiar Luang Tina Daluang”

Geuningan lebet ka basa Sunda téh salah sawiosna mah
Tiasa terang yén basa Sunda téh kiwari “Hirup Teu Neut PaehTeu Hos”
Tos sakedik jalmi (urang Sundana nyalira) nu nganggo basa Sunda
Dina kahirupan sadidintenna seuseueurna nganggo basa Indonesia.
Alesannana téh
1. kumargi basa Sunda téh sesah
2. komo éta kedah nganggo undak-usuk basa
3. naha kirang ngota kitu nya?
4. atanapi kirang begaul?
5. kanggo ngaronjatkeun ajén kitu pami nganggo basa Indonesia?
6. pami nyarioss nganggo basa Sunda téh sieun kasar

Hapunten pisan ieu mah mung sakedik pamendak sim kuring, sim kuring ogé rumaos najan kuliah di jurusan Sunda teras di peredih ku sapalihna Dosén téh pami nyarios téh biasakeun nganggo basa Sunda, geuning enya, sesah na mah…
Komo rerencangan ari tos uplek ngobrol nganggo basa Indonesia kumargi aya rerencangan anu sanes urang sunda da geuning sok kacacandakeun kitu tah.

Lah isin pisan saleresna mah nyarios didieu téh tapi… atuh da kumaha
Hoyong ngedalkeun eusi haté, tapi sanes badé “Mapatahan ngojay ka meri”
Rumaos “Élmu ajug” keneh…

Sakali deui hapunten ka baraya sadayana bilih aya
Kecap anu kirang merenah kana manah, kirang saé kana haté
Nyuhunkeun di hapunten anu saageung-ageungna

Aeh muhun ieu téh nembe bagian anu kahiji…
Saleresna mah seueur keneh nu badé dicarioskeun téh
Nanging waktos ieu téh nya (eh tapi teu bade nyalahkeun waktos ketang)
Meni siga cardubag atanapi cartibag? (duka ketang)
Hayu urang sasarengan miara kaSundaan, boh basana boh budayana
Margi “Basa téh cicirén bangsa”
Cag!
Hanca

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: